一場戲

時：2007年7月24日
地：惠康總部
人：A=我； W=惠康xx董事

A: 唔好意思，遲到，要全部人等我一個。
W: 唔緊要。Ａ先生，好多謝你參加我哋呢個比賽，
Ｄ相真係喺日本影㗎喎！你係一早有咁嘅計劃㗎？
A: (冷淡地)咁啱啫...
W: 請問你做邊行？
A: 編導，編剧之類。
W: 嘩！唔怪得之你嘅作品咁有电影感啦！
A: (冇反應，帶点苦笑)
W: 呀！遲Ｄ搵你幫我哋編剧吖！
A: (繼續冇反應，苦笑)
W: 你係咪成日幫襯我哋㗎？
A: 唔係。

▲此時全場人對此回應嚇窒，不知所措
A 知道呢個gag玩大咗，立刻補鑊

A: (解話)邊間我都冇幫襯，呢Ｄ嘢梗係
媽咪做㗎啦！哈哈哈哈

▲众人立刻跟著笑

W: 咁又係，睇你一身潮人嘅打扮，
就知你唔會去買餸...哈哈哈

A: 講笑咩你...

W: 再一次多謝你嚟領獎，你重係唯一一位親身嚟，
真係值得嘉許！

A: （心諗）你估我想㗎？我媽咪去咗樟木頭咋！

～完～