似足你老豆

晚上回到家，必先到自己的書檯報到。
發現了一張過了膠的舊照片....噢！是我自己。
看來又是我媽媽幹的好事。
你們看看！這就是拍照威力 ！

我實在無法解釋為什麼每天袋裡也會有一部相機，
有時候三部，但未必一定會拍一張。
我鐘意呀！( 呢句說話千萬不要讓我的膊頭和膝頭聽到唷！)

每當買了新相機回家，給媽媽發現後，
她總會這樣說：
「又整一部呀！呢部又幾錢呀？（通常我亂答的）
十足十你老豆，嗰時興影 120 黑白吖嘛！( 媽點解妳會知嘅？)
放咗工你老豆就走去望，望完返嚟開工就心掛掛，
話唔買佢又籮籮攣......唉！買啦買啦！影相啫！好過賭晒佢吖！」
（此時我拿拿聲回應 ：咪係囉！影張相啫！）

打開組合櫃，看到一部舊 Ricoh, 發覺
係我玩 GR1V, GR digital 之前，我爸爸早已玩 Ricoh 了。
之後再發現一部 Agfa 120.....就是這部了。
爸爸，這部相機是你向媽媽扭計換來的嗎？
嘩！真係 made in Germany 㗎！唔識用喎！
120?? 我未玩過呀！不如你教我吖！

噢！不在了..........
....................不打緊，我自己來吧！
我會拍更多更多的好照片的。